Biełaruś stała hałoŭnym pakupnikom rasijskich čypsaŭ

Za pieršyja 10 miesiacaŭ 2025 hoda Rasija pastaviła na zamiežnyja rynki kala 47 tysiač ton bulbianych čypsaŭ na sumu bolš za 201 miljon dalaraŭ. Pry hetym Biełaruś akazałasia hałoŭnym pakupnikom — na jaje prychodzicca 43% usich zakupak. Pra heta śviedčać danyja «Ahraekspartu», piša Office Life.

Zdymak ilustracyjny. Fota: «Naša Niva»

U paraŭnańni ź minułym hodam ekspart rasijskich čypsaŭ pavialičyŭsia na 6% pa abjomie i na 17% pa košcie, niahledziačy na toje, što 2024 hod byŭ rekordnym pa pastaŭkach hetaj pradukcyi. Biełaruś za 10 miesiacaŭ kupiła čypsaŭ na bolš čym 86 miljonaŭ dalaraŭ.

Akramia jaje, u trojku hałoŭnych pakupnikoŭ rasijskaj pradukcyi taksama ŭvajšli Kazachstan (kala 57 miljonaŭ dalaraŭ) i Uźbiekistan (kala 20 miljonaŭ dalaraŭ).

Pa danych ITC Trade Map, u 2024 hodzie hałoŭnymi pastaŭščykami bulbianych čypsaŭ u śviecie byli Niderłandy ($543 miljony), Bielhija ($482 miljony) i ZŠA ($363 miljony).

Kamientary da artykuła