Madura na sudzie nie pryznaŭ viny ŭ narkateraryźmie

U abvinavaŭčym zaklučeńni suprać zachoplenaha amierykanskim śpiecnazam byłoha kiraŭnika Vieniesueły fihurujuć čatyry punkty, datyčnyja zmovy z metaj narkateraryzmu, a taksama zachoŭvańnia aŭtamatyčnaj zbroi i vybuchovych pryład. Nikałas Madura ŭsie abvinavačańni adchilaje.

Nikałasa Madura viaduć na sud. Fota: XNY/Star Max/GC Images

Jak paviedamlaje Bi-bi-si, Madura ŭdzielničaŭ u pasiadžeńni biez kajdankaŭ na rukach, ale z kajdankami na nahach i ŭ turemnaj formie. Jahonaja žonka taksama była ŭ turemnym adzieńni. Vystupaŭ były kiraŭnik Vieniesueły na ispanskaj movie, karystajučysia pasłuhami pierakładčyka.

Abaroncam Nikałasa Madury staŭ advakat Barry Połak, jaki raniej pradstaŭlaŭ u sudzie intaresy Džulijana Asanža. Sudździoj byŭ pryznačany 92‑hadovy Ełvin Chielerštejn, jaki raniej vioŭ spravu pa teraktach 11 vieraśnia.

Paśla abviaščeńnia abvinavačańniaŭ sud abaviazaŭ Madura i jaho žonku źjavicca ŭ sud 17 sakavika 2026 hoda. Da hetaha času jany buduć utrymlivacca ŭ turmie.

Kamientary da artykuła