Zaŭtra — skaročany pracoŭny dzień. A kali buduć nastupnyja vialikija vychodnyja?
U aŭtorak u Biełarusi skaročany pracoŭny dzień, pakolki ŭ sieradu, 7 studzienia, pravasłaŭnaje Rastvo.
Heta aznačaje, što 6 studzienia možna pajści z pracy na hadzinu raniej. Dla tych, chto pracuje na pałovu staŭki, pracoŭny dzień skarociać na 30 chvilin.
Kali z vytvorčych pryčyn skaracić pracoŭny dzień niemahčyma, pierapracoŭka pavinna być kampiensavana — dadatkovym časam adpačynku abo apłataj jak za zvyšuročnuju pracu.
Śviaty skončylisia. Nastupnyja vialikija vychodnyja — u krasaviku, kali budzie Radaŭnica (20 krasavika).
Tady buduć čatyry vychodnyja: z 18 pa 21 krasavika, ale nastupnaja subota, 25 krasavika, budzie rabočaja.
8 Sakavika prychodzicca na niadzielu, tamu tut bieź pieranosaŭ, jak i 7 Listapada.
Pa try vychodnyja zapar budzie z 1 pa 3 maja, z 3 pa 5 lipienia, z 25 pa 27 śniežnia i z 1 pa 3 studzienia 2027 hoda.
A voś nastupnyja čatyry zapar vychodnyja, imavierna, buduć roŭna praz hod z 7 pa 10 studzienia 2027 hoda. U nastupnym hodzie pravasłaŭnaje Rastvo budzie ŭ čaćvier, i całkam mahčyma, što pracoŭny dzień 8 studzienia (piatnica) pieraniasuć na inšy dzień.