Pry ŭdary pa Chorłach zahinuŭ načalnik akupacyjnaj palicyi susiedniaha horada
Nieviadoma, ci była ź im jahonaja žonka, vice-mer akupavanaj Novaj Kachoŭki.
Siarhiej Bohan. Kałaž 24 kanała
Rasijskija ŭłady apublikavali śpis dzieviaci čałaviek, čyje cieły byli apaznanyja siarod zahinułych na miescy ŭdaru pa hateli i kaviarni ŭ akupavanych Chorłach Chiersonskaj vobłaści.
Siarod zahinułych byŭ 56‑hadovy Siarhiej Bohan. Jon uznačalvaŭ palicyju ŭ susiednim Kałančaku — farmalna heta pasiołak, ale kolkaściu nasielnictva, kala 10 tysiač čałaviek, adpaviadaje horadu.
Bohan rodam z Kryma, doŭhi čas pracavaŭ va ŭkrainskaj milicyi, uznačalvaŭ adzin z adździełaŭ kryminalnaha vyšuku. Paśla akupacyi Kryma pierajšoŭ na bok Rasii. Kali ž pačałasia poŭnamaštabnaja vajna, Bohana pryznačyli ŭ palicyju ŭ akupavanaj častcy Chiersonščyny — spačatku ŭ Hieničesk, a paśla ŭ Kałančak.
Ukrainskija ŚMI paviedamlajuć, što jon datyčny da vykradańniaŭ i katavańniaŭ žycharoŭ rajona.
Žonka Bohana zajmaje pasadu namieśnicy mera akupavanaj Novaj Kachoŭki. Ci była jana na navahodnim śviatkavańni ŭ Chorłach i kali tak, to ci vyžyła, nieviadoma.