Kolkaść zahinułych u kaviarni ŭ akupavanych Chorłach vyrasła da 27, ale Ukraina admaŭlaje datyčnaść
U balnicy z traŭmami dastaŭleny 31 čałaviek.
Kolkaść zahinułych u kaviarni i hateli ŭ akupavanaj častcy Chiersonskaj vobłaści pavialičyłasia da 27 čałaviek, zajavili ŭ Śledčym kamitecie Rasii.
Siarod zahinułych jość dvoje niepaŭnaletnich. Aproč taho, u lakarni z traŭmami dastaŭleny 31 čałaviek.
«Hubiernatar»-kałabarant Uładzimir Salda zajaviŭ, što USU nanieśli ŭdar pa Chorłach padčas śviatkavańnia Novaha hoda.
Hienštab USU admaŭlaje ŭdar.
«Siły abarony Ukrainy prytrymlivajucca norm mižnarodnaha humanitarnaha prava i nanosiać udary vyklučna pa vajennych celach praciŭnika, abjektach paliŭna-enierhietyčnaha kompleksu RF i inšych zakonnych celach, majučy na mecie źmianšeńnie vajennaha patencyjału krainy-ahresara», — zajaviŭ śpikier Hienštaba Dźmitryj Lichavy.