U Mazyry spartoviec padniaŭ hiru 2026 razoŭ
Zrabiŭ jon heta za paŭtary hadziny.
«Navahodni ryvok» ździejśniŭ majstar sportu mižnarodnaha kłasa pa hiravym sporcie Siarhiej Daroška ŭ honar 2026 hoda, paviedamlaje MNS.
Arenaj dla vykanańnia spartyŭnaj zadumki napiaredadni Novaha hoda stała pažarnaja avaryjna-vyratavalnaja častka №1 Mazyrskaha rajonnaha padraździaleńnia MNS. Vyklik zrabiŭ sabie majstar sportu mižnarodnaha kłasa pa hiravym sporcie Siarhiej Daroška, pastaviŭšy metu padniać 16‑kiłahramovuju hiru 2026 razoŭ.
Spartsmien padzialiŭsia, što rabić takija ryŭki ŭ honar Novaha hoda dla jaho ŭžo stała asabistaj tradycyjaj. U hetym hodzie jon vyrašyŭ padniać hiru 2026 razoŭ.
Dla realizacyi zadačy majstru spatrebiŭsia 1 hadzina 30 chvilin. Rabotniki RAČS nazirali za hetym zachaplalnym dziejańniem u aktavaj zale pažarnaj častki.
Siarhiej Daroška nie tolki sam aktyŭna zajmajecca hiravym sportam, ale i źjaŭlajecca pastajannym sudździoj na rajonnych i abłasnych spabornictvach siarod rabotnikaŭ orhanaŭ i padraździaleńniaŭ pa ČS.
Vybar miesca dla svajho «navahodniaha ryŭka» Siarhiej patłumačyŭ prosta: «Pa-pieršaje, ja sam u minułym nasiŭ pohony. Pa-druhoje, u hiravym sporcie vielmi važnyja siła, vytrymka i stojkaść. Hetyja ž jakaści ŭłaścivyja i ratavalnikam». Tak jon padkreśliŭ suviaź pamiž fizičnaj padrychtoŭkaj i prafiesijnaj dziejnaściu ratavalnikaŭ, jakija štodnia ryzykujuć svaim žyćciom dziela biaśpieki hramadzian.