U Baranavickim rajonie kiroŭca naśmierć źbiŭ piešachoda ź flikieram
U Baranavickim rajonie adbyłosia śmiarotnaje DTZ z udziełam piešachoda. Kala 19:25 43‑hadovy kiroŭca aŭtamabila Citroen ruchaŭsia pa aŭtadarozie R-5 «Baranavičy — Navahrudak — Iŭje» ŭ bok Baranavičaŭ, paviedamlaje UUS Bresckaha abłvykankama.
Fota: UUS Bresckaha abłvykankama
Pavodle papiarednich źviestak, na 23‑m kiłamietry darohi pablizu vioski Vialikaje Siało jon źbiŭ 65‑hadovaha mužčynu, jaki išoŭ pa prajeznaj častcy nasustrač ruchu transpartu.
Viadoma, što ŭ ciomny čas sutak piešachod mieŭ śviatłoadbivalny elemient.
U vyniku najezdu mužčyna zahinuŭ na miescy zdareńnia.