U Kamiennaj Horcy pabudujuć samy vialiki skiejt-park u krainie
U minskim parku imia Uha Čaviesa praciahvajecca maštabnaja rekanstrukcyja. Ciapier budaŭniki pracujuć nad čaćviortaj čarhoj abjekta, jakaja całkam pryśviečana sportu.
Jak paviedamlaje «Minskbud», hałoŭnaj fiškaj abnoŭlenaj terytoryi stanie samaja vialikaja ŭ krainie placoŭka dla skiejtbordynhu.
Akramia hihanckaha skiejt-parka, dla žycharoŭ Kamiennaj Horki rychtujuć šmat inšych spartyŭnych placovak. Tut źjavicca łyžarolernaja trasa praciahłaściu bolš za dva kiłamietry, sučasnaja vieładarožka i śpiecyjalnyja zony dla plažnaha valejboła i futboła.
Taksama zapłanavana budaŭnictva chakiejnaj karobki z štučnym lodam, jakuju zimoj možna budzie vykarystoŭvać jak koŭzanku.
Častka prac užo zavieršana: u parku ŭstalavali vuličnyja trenažory, abstalavali baskietbolnyja placoŭki sa śpiecyjalnym biaśpiečnym pakryćciom i prakłali sietku piešachodnych darožak. Terytoryju taksama aktyŭna azielaniajuć, kab zrabić bolš utulnaj dla adpačynku.