Sinoptyki raskazali, jakoje nadvorje čakajecca na Novy hod
Prahnoz nadvorja pa Biełarusi na 30 śniežnia — 1 studzienia.
U aŭtorak, 30 śniežnia, nadvorje buduć vyznačać atmaśfiernyja franty, jakija pieramiaščajucca z poŭnačy Jeŭropy. Na bolšaj častcy terytoryi krainy projdzie śnieh, mokry śnieh.
Dniom u asobnych rajonach čakajecca słabaja miacielica. Na darohach krainy budzie ŭtvaracca hałalodzica.
Nočču -3..-9°S, maksimalnaja dniom -1..-7°S.
31 śniežnia nadvorje ŭ Biełarusi pradoŭžać vyznačać atmaśfiernyja franty, jakija pieramiaščajucca z poŭnačy Jeŭropy. Na bolšaj častcy terytoryi krainy čakajecca śnieh.
Unačy i ranicaj miescami pa krainie budzie adznačacca zavirucha. Na asobnych učastkach daroh hałalodzica.
Tempieratura pavietra na praciahu sutak składzie -3…-10°S, nočču pa paŭnočnym uschodzie miescami da -13°S.
1 studzienia adabjecca ŭpłyŭ niaŭstojlivych arktyčnych pavietranych mas, u dzionny čas na zachadzie čakajecca pieramiaščeńnie frantalnaha padziełu z terytoryi Polščy.
Na bolšaj častcy terytoryi krainy projdzie karotkačasovy śnieh. Dniom u asobnych rajonach čakajecca miacielica. Na asobnych učastkach daroh hałalodzica.
Nočču -9…-16°S, maksimalnaja dniom składzie ad -2°S pa zachadzie da -11°S pa ŭschodzie krainy.