Kala Zaparožskaj AES abviaścili časovaje pieramirje
U rajonie Zaparožskaj atamnaj elektrastancyi ŭstanavili časovaje łakalnaje pieramirje pamiž Rasijaj i Ukrainaj. Pra heta paviedamlaje ahienctva Reuters sa spasyłkaj na hienieralnaha dyrektara MAHATE Rafaela Hrosi.
Pavodle kiraŭnika MAHATE, baki damovilisia ab prypynieńni bajavych dziejańniaŭ u hetym siektary na niekalki dzion.
Hałoŭnaja meta paŭzy — dać mahčymaść avaryjnym bryhadam pravieści terminovy ramont linij elektrapieradač, jakija zabiaśpiečvajuć biaśpieku stancyi i rehijona.
Časovaje spynieńnie ahniu pavinna harantavać biaśpieku techničnaha piersanału padčas vykanańnia prac na paškodžanych abjektach enierhietyčnaj infrastruktury.