U Biełarusi možna arandavać vodanapornuju viežu dla adpačynku. Spalnia — na ŭzroŭni vierchavin dreŭ
Znachodzicca takoje niebanalnaje miesca dla adpačynku ŭ Červieńskim rajonie ŭ vioscy Klinok — na terytoryi viejkparku «Vołma».
Skrynšot videa ŭ tyktoku
Vodanapornaja vieža znachodzicca pasiarod lesu. Na cahlanym fasadzie možna pabačyć datu pabudovy — 1968 hod.
Unutry ž zrabili sučasny ramont, i ciapier tam davoli ŭtulna. Na pieršym paviersie znachodzicca prybiralnia i nievialikaja kuchnia.
Tut i dalej fota: volmawake.by
Na druhim — haścioŭnia z elektryčnym kaminam i televizaram (uražvaje vyšynia stoli — 6 mietraŭ).
Nu a na trecim — spalnia, adkul adkryvajecca šykoŭny vid — bo načavać vandroŭnikam prapanujuć na ŭzroŭni vierchavin dreŭ.
Paznačana, što adnačasova ŭ viežy mohuć žyć da čatyroch darosłych i dvuch dziaciej. Za toje, kab adpačyć tut udvaich, treba zapłacić ad 250 (pa budniach) da 300 rubloŭ (pa vychodnych i śviatočnych dniach).
Ale tym, chto choča sustreć u viežy Novy hod, nieabchodna padrychtavać 1100 rubloŭ za dźvie nočy.
Ahlad na niezvyčajny «numar» (kali možna jaho tak nazvać) zrabili ŭ tyktoku «Kufara» — i paprasili raskazać, ci jość u viežy pryvidy. Vodhuki sapraŭdy źjavilisia, ale nie ŭsie pazityŭnyja. Niechta paskardziŭsia na žukoŭ i šumnyja kampanii letam, niechta — na zimovy choład.
A šmat chto pažartavaŭ, što ŭ viežy možna adčuć siabie ŭnutry rasijskaha filma «Čarnavik» (u im u zakinutaj vodanapornaj viežy znachodziŭsia pierachod z realnaha śvietu ŭ alternatyŭnyja realnaści).
Čytajcie taksama:
U Biełarusi možna pažyć va ŭłasnaj burbałcy. Dziaŭčyna pakazała niezvyčajny hatel siarod lesu
Dziaŭčyna arandavała na dzień narodzinaŭ zamak pad Minskam — i ŭzarvała tyktok