Pres-sakratarka Donalda Trampa ciažarnaja
Pres-sakratarka prezidenta ZŠA Donalda Trampa Kerałajn Levit paviedamiła ŭ sacyjalnych sietkach pra svaju ciažarnaść. Na fatahrafii ŭ instahramie jana staić pobač z kaladnaj jołkaj, demanstrujučy akruhleny žyvot.
Fota: karolineleavitt / Instagram
Levit napisała, što jany z mužam čakajuć dačku i vielmi radujucca jaje chutkamu źjaŭleńniu. Jaje muž — deviełapier u śfiery nieruchomaści Nikałas Ryča. U ich jość syn Nika. Ciapier u jaho budzie siastra.
U svaim poście Levit taksama padziakavała svajmu načalniku Donaldu Trampu i kiraŭniku aparata Biełaha doma Śjuzi Uajłz za padtrymku. Abodva, pavodle jaje słoŭ, spryjali «družalubnaj da siamji abstanoŭcy» ŭ Biełym domie.
Pavodle dadzienych z atačeńnia Biełaha doma, pres-sakratar płanuje pakul što praciahvać svaju pracu.