Dziaržaŭny znak jakaści prysvoili tolki adnoj ź dźviuch biełaruskich zhuščonak. Dyk Hłybokaje ci Rahačoŭ?
Toj samy pieramožca byŭ i ŭ 2024 hodzie.
Hłybockaja i rahačoŭskaja zhuščonka. Fota: Blizko.by
Premjer-ministr Alaksandr Turčyn zaćvierdziŭ pieralik pradukcyi, jakaja atrymała Dziaržaŭny znak jakaści ŭ 2025 hodzie. Poŭny tekst pastanovy jašče nie apublikavany, ale pres-słužba ŭrada paviedamiła, što ŭ hetym śpisie jość dva tavary.
Havorka pra zhuščonku «Jahorka» ad Rahačoŭskaha małočnakansiervavaha kambinata (z masavaj dolaj tłušču 8,5% u blašancy), a taksama pra kambajn GS12A1 ad «Homsielmaša».
Situacyja admietnaja tym, što hłybockaj zhuščonki ŭ śpisie niama.
Pryčym i ŭ 2024 hodzie Dziaržaŭny znak jakaści atrymała mienavita rahačoŭskaja zhuščonka.
Nahadajem, sioleta zbankrutavaŭ vytvorca zhuščonki ź Viciebska, jaki sprabavaŭ naviazać baraćbu pradpryjemstvam Rahačova i Hłybokaha, ale marna.