Minčanin chacieŭ pradać parahienieratary, ale 15‑hadovy pakupnik biaspłatna zabraŭ tavar i ŭciok
Na małaletku zaviaduć kryminalnuju spravu za rabavańnie.
Na liniju 102 źviarnuŭsia minčanin, jakoha abrabavaŭ nieviadomy padletak.
Mužčyna raskazaŭ, što ŭ tematyčnaj hrupie miesiendžara raźmiaściŭ abjavu ab prodažy troch parahienierataraŭ. Nieŭzabavie ź im źviazaŭsia patencyjny pakupnik i pryznačyŭ sustreču. Kali mužčyna daŭ jamu tavar dla ahladu, padletak uciok, nie raspłaciŭšysia.
Milicyjaniery znajšli hora-pakupnika — 15‑hadovaha navučenca staličnaha kaledža.
Chłopiec patłumačyŭ svoj učynak tym, što cana na vejpy była dla jaho zanadta vysokaja. A tamu jon vyrašyŭ zabrać ich biaspłatna.
Vejpy viarnuli ŭładalniku.
U adnosinach da padletka zaviali kryminalnuju spravu za rabavańnie. Adkaznaść pa hetym artykule nastupaje z 14 hadoŭ.