Pieršaje pasiadžeńnie hrupy pa padrychtoŭcy vybaraŭ va Ukrainie padčas vajennaha stanovišča projdzie zaŭtra
Niahledziačy na praciah vajennych dziejańniaŭ, u Viarchoŭnaj Radzie Ukrainy pačynajuć detalova abmiarkoŭvać miechanizmy praviadzieńnia vybaraŭ i refierendumaŭ jak padčas vajennaha stanovišča, tak i paśla jaho zaviaršeńnia.
Pieršy vice-śpikier Rady Alaksandr Karnijenka paviedamiŭ, što ŭ skład rabočaj hrupy ŭvajšli kala 60 čałaviek. Siarod ich — narodnyja deputaty, ekśpierty ŭ halinie vybarčaha prava i pradstaŭniki hramadskaha siektara.
Napiaredadni pačatku pracy hrupy prezident Ukrainy Uładzimir Zielenski zajaviŭ pra mahčymy ŭsieŭkrainski refierendum. Miarkujecca, što mienavita praz narodnaje hałasavańnie pavinna być ratyfikavana budučaja mirnaja damova z Rasijaj, kali jana budzie dasiahnuta.