U Viciebskim rajonie ratavalniki šukajuć 15‑hadovuju dziaŭčynku. Razhornuty maštabny pošuk
Na pošuki padletka vyjšli 124 čałavieki, 24 adzinki techniki.
Siońnia ratavalnikam ad supracoŭnikaŭ milicyi pastupiła paviedamleńnie ab zhublenaj dziaŭčyncy 2010 hoda naradžeńnia pablizu vioski Harkava Viciebskaha rajona.
U ciapierašni čas na miescy zdareńnia stvorany apieratyŭny štab. Na pošuki padletka vyjšli 24 adzinki techniki i 124 čałavieki, ź ich 15 adzinak techniki i 82 rabotniki MNS.
Pošuki arhanizavany z pryciahnieńniem śpiecyjalnaj techniki vyratavalnaha viedamstva, uklučajučy kvadracykły i bieśpiłotnyja latalnyja aparaty.
Svajakam dziaŭčynki akazvajecca dapamoha psichałahičnaj słužby MNS.
Pry jakich abstavinach zhubiłasia dziaŭčynka i inšyja akaličnaści nie paviedamlajucca.