Biełaruski brend sumak Panaskin vypuściŭ cacki na jalinku sa skury alihatara. Za 1400 rubloŭ!
Ale jość i bolš biudžetnyja varyjanty.
Fota: panaskin.by
Biełaruski brend sumak i aksiesuaraz Panaskin vypuściŭ limitavanuju kalekcyju skuranych cacak, jakaja nazyvajecca Sphere. Ich, imavierna, možna nasić i jak birulki na torbačcy.
Na sajcie paznačana: «Čystyja linii, idealnaja hieamietryja i vyvieranaja śfieryčnaja forma dasiahajucca dziakujučy dakładnaj ručnoj zborcy i juvielirnaj pracy z materyjałam, što robić kožny šar unikalnym».
U kalekcyi jość prosta skuranyja šary, a jość šary z kaniami — simvałami 2026 hoda. Samy tanny šar kaštuje 250 rubloŭ. Samy darahi — 1400 rubloŭ, jon zrobleny sa skury alihatara.
Brend Panaskin viadomy sumkami i zaplečnikami minimalistyčnych form. Torby dyzajniera Paŭła Panaskina kaštujuć ad 600 da 1500 rubloŭ. Adna z samych paznavalnych madelaŭ — z dekoram u vyhladzie vuzielčykaŭ.