Siaredniaja piensija ŭ Biełarusi składaje 980 rubloŭ
Siaredniaja suma piensii ŭ Biełarusi siońnia nabližajecca da tysiačy rubloŭ. Pavodle źviestak Ministerstva pracy i sacyjalnaj abarony, zaraz jana składaje 980 rubloŭ.
Užo ŭ nastupnym hodzie piensijanieraŭ čakajuć źmieny: u 2026 hodzie vypłaty płanujuć pavialičyć amal na 15 pracentaŭ. U vyniku siaredniaja suma piensii vyraście prykładna da 1100 rubloŭ.
U Ministerstvie pracy nahadali, što suma piensijnych vypłat vyličvajecca indyvidualna. Na jaje ŭpłyvajuć pracoŭny staž, uzrovień zarobku za minułyja hady, a taksama prava na roznyja nadbaŭki i padvyšeńni.
Akramia taho, z pačatku 2025 hoda dziejničaje novy paradak raźliku piensij. Ciapier pry ich pryznačeńni ŭličvajecca zarobak za apošnija 30 hadoŭ pracoŭnaha stažu, što taksama moža paŭpłyvać na sumu vypłat, piša «Minskaja praŭda».