Piensijanierka praz telefon vyrašyła padoŭžyć damovu z «mabilnym apierataram» — straciła 28 tysiač rubloŭ
U Pieršamajskaje RUUS źviarnułasia 69‑hadovaja žycharka stalicy, jakaja stała achviaraj telefonnych machlaroŭ, paviedamlaje SK.
Na mabilny telefon piensijaniercy pastupiŭ zvanok nibyta ad apieratara mabilnaj suviazi, jaki pad vyhladam vyrašeńnia techničnych pytańniaŭ padmannym šlacham vypytaŭ u jaje pašpartnyja źviestki.
Paźniej ź minčankaj źviazaŭsia falšyvy pravaachoŭnik i paviedamiŭ, što raniej jana razmaŭlała z machlarami, jakija vykarystali jaje źviestki dla afarmleńnia kredytaŭ. Kab abaranić svoj aščadak i spłacić pazyku, žančynie paraili zadekłaravać hrašovyja srodki, jakija jana mieła doma.
Minčanka spałochałasia i pieradała bolš za 28 000 rubloŭ kurjeru. Uśviadomiŭšy, što stała achviaraj afierystaŭ, žančyna paviedamiła ŭ milicyju.
Raspačataja kryminalnaja sprava.