Zołata ŭpieršyniu ŭ historyi pieravysiła 4500 dalaraŭ za uncyju
Unočy 23 śniežnia biržavaja cana zołata pieravysiła 4500 dalaraŭ za trojskuju uncyju. Na piku tarhoŭ košt mietału dasiahaŭ 4530,8 dalara za uncyju.
Fota: Osaka / Wayne Studio / Getty Images
Potym mietał usio ž skinuŭ da 4500 dalaraŭ.
Zołata abnaŭlaje rekordnyja maksimumy ŭžo 50 dzion zapar, padličyŭ Bloomberg. Adnak vyšej za ŭzrovień 4500 dalaraŭ ceny kaštoŭnaha mietału padnialisia ŭpieršyniu ŭ historyi.
Da 4400 dalaraŭ za uncyju padaražeła tolki ŭ minułuju piatnicu.
Analityki miarkujuć, što zołata moža nienadoŭha zatrymacca na hetym uzroŭni. Kala čverci popytu na hety kaštoŭny mietał maje inviestycyjny charaktar, a heta značyć, što jon moža viarnucca na rynak u vyhladzie prapanovy.
Analityki JP Morgan, Bank of America i kansałtynhavaj kampanii Metals Focus ciapier čakajuć, što cana źlitkaŭ dasiahnie 5000 dalaraŭ za trojskuju uncyju ŭ 2026 hodzie.