Na Kalady i Novy hod biełarusaŭ Vilni i Varšavy zaprašajuć na kancerty
Pradziusar Aleś Čachoŭski prapanuje śviatočnuju prahramu.
Na Kalady kancerty daje mužčynski chor «Unija».
26 śniežnia chor vystupić u Biełastoku (14:00) i Varšavie (20:00).
U prahramie kancerta — biełaruskija, polskija i ŭkrainskija kaladki, vybranyja tvory Bacha, Mocarta, Hiendala, Hrubiera, a taksama sučasnyja śviatočnyja miełodyi i aŭtarskija tvory biełaruskaj kampazitarki Volhi Padhajskaj.
U Biełastoku chor vystupić u Aula Magna Pałaca Branickich (ul. Jana Kilińskiego 1). Uvachod biaspłatny pa zaprašeńniach.
Zaprašeńni možna atrymać u Centry Kultury Biełaruskaj u Biełastoku (u pracoŭnyja dni z 12.12.2025 h. u hadzinach 9:00—15:00; Jana Kilińskiego 16 lok. 2/07). Telefon dla daviedak: 537 742 000.
U Varšavie chor vystupić razam ź vieličnym arhanam i Volhaj Padhajskaj u staradaŭnim kaściole śviatoha Alaksandra na płoščy Troch Kryžoŭ. Kvitki možna nabyć tut.
«Unija» — mižnarodny mužčynski chor, zasnavany ŭ 1990 hodzie ŭ Minsku. Za try dziesiacihodździ kalektyŭ sabraŭ u svaim repiertuary bolš za dźvieście duchoŭnych i śvieckich tvoraŭ roznych epoch, vypuściŭ niekalki albomaŭ i nieadnarazova stanaviŭsia łaŭreatam mižnarodnych konkursaŭ.
Z 2021 hoda častka choru razam z kiraŭnikom Paŭłam Honcam była vymušana pakinuć Biełaruś pa palityčnych pryčynach, adnak chor nie spyniŭ svajoj dziejnaści. Ciapier u składzie kalektyvu biełarusy, litoŭcy, palaki i ŭkraincy.
Na Novy hod u Vilni dajuć džazavyja kancerty z udziełam Paŭła Arakielana. Jany projduć 31 śniežnia — u 18:00 i 20:30 u džaz-kłubie Downtown Piano Lab.
Na čale benda — virtuoz i multyinstrumientalist Pavieł Arakielan. Da jaho dałučacca čaroŭny vakał Habii Baŭžajcie i enierhičnyja Džuziepe Łanca (kantrabas) i Džuziepe De Nizi (udarnyja).
U hety viečar prahučać mahutnyja i elehantnyja suśvietnyja džazavyja chity i praniknionyja navahodnija džazavyja standarty. Haściej pačastujuć prasieka i prachaładžalnymi napojami.
Aŭtar i viadoŭca hetaha viečara — pradziusar Aleś Čachoŭski.
Kvitki možna nabyć tut.