Adzin z vyzvalenych 13 śniežnia palitviaźniaŭ — daloki svajak Śviatłany Cichanoŭskaj
Heta — 18‑hadovy Alaksiej Kaplič. Pra heta jon raskazaŭ na pres-kanfierencyi ŭ Vilni siońnia, 22 śniežnia.
Skrynšot videa Radyjo Svabody
Alaksieja zatrymali 31 sakavika 2025 hoda, na nastupny dzień paśla svajho dnia naradžeńnia.
Jon sprabavaŭ vylecieć ź Minska, kab potym trapić va Ukrainu i dałučycca da biełaruskich dobraachvotnikaŭ.
«Mianie zatrymali padčas vyletu. Skazali, pačakajcie, kiepska videakamiera raspaznaje, prajdzicie pad inšuju». Potym jaho zatrymali, nakinuli miašok na hałavu.
Alaksieju byli vystaŭlenyja abvinavačvańni: č. 1 art. 13 i č. 1 art. 361‑3 Kryminalnaha kodeksa — padrychtoŭka i zamach na ŭdzieł na terytoryi zamiežnaj dziaržavy va ŭzbrojenym kanflikcie. Jon byŭ asužany na dva hady kałonii. Vyjšaŭ na volu 13 śniežnia ŭ vyniku pamiłavańnia.
U Alaksieja spytali, ci adbiłasia na jaho źniavoleńni, što jon svajak Cichanoŭskaj. Jon adkazaŭ, što nie.