Tramp adklikaje 29 amierykanskich dypłamataŭ z zamiežnych pasolstvaŭ, u tym liku ź Jeŭropy
Na minułym tydni pradstaŭnikoŭ dypłamatyčnych misij jak minimum u 29 krainach papiaredzili, što termin ich paŭnamoctvaŭ zakančvajecca ŭ studzieni, piša AP sa spasyłkaj na krynicy.
Fota: Anna Moneymaker / Getty Images
Siarod hetych krain — 13 afrykanskich dziaržaŭ, šeść z Azijacka-Cichaakijanskaha rehijonu, u tym liku Filipiny i Vjetnam, čatyry jeŭrapiejskija krainy (Armienija, Paŭnočnaja Makiedonija, Čarnahoryja i Słavakija), a taksama Ałžyr, Jehipiet, Niepał, Šry-Łanka, Hvatemała i Surynam.
Dypłamaty, jakich adklikajuć, byli pryznačanyja papiaredniaj administracyjaj Džo Bajdena. Ich zamieniać supracoŭnikami, jakija padtrymlivajuć pryjarytety Trampa i adpaviadajuć jahonaj idei «Amieryka pieradusim».
Politico, jakoje taksama paviedamlała pra zapłanavanaje adklikańnie dypłamataŭ, nazyvaje hety krok «niezvyčajnym»: choć dla novych prezidentaŭ charakterna źmianiać pasłoŭ, karjernym dypłamatam, jak praviła, dazvalajuć praciahvać pracu.