Nieviadomyja raźbili partrety zahinułych kala budynka ambasady Biełarusi ŭ Vilni
U niadzielu ŭ palicyju pastupiła paviedamleńnie pra akt vandalizmu kala budynka biełaruskaha pasolstva ŭ stalicy Litvy.
Pavodle źviestak palicyi, 21 śniežnia ŭ Vilni na vulicy Mindoŭha kala aharodžy pasolstva Biełarusi nieviadomy raźbiŭ škło na partretach čatyroch zahinułych, pierakuliŭ fotazdymki i raźbiŭ śviečki, piša Delfi.lt.
Miarkujecca, što incydent adbyŭsia ŭ pieryjad z 14:00 da 18:50. Palicyja pravodzić rasśledavańnie fakta parušeńnia hramadskaha paradku.
La aharodžy biełaruskaj ambasady ŭ Vilni vystaŭlenyja partrety zahinułych ad ruk biełaruskaha režymu pačynajučy z 1990-ch, zahinułych padčas pratestaŭ u 2020 hodzie, pamierłych u kałonijach palitviaźniaŭ, a taksama zahinułych va Ukrainie dobraachvotnikaŭ.