Vyjšaŭ na svabodu palitźniavoleny navukoviec Juryj Adamaŭ
Jamu prysudzili try hady źniavoleńnia za danaty.
Juryj Adamaŭ. Fota: sacsietki
Stała viadoma pra vyzvaleńnie 49‑hadovaha palitźniavolenaha fizika Juryja Adamava. Pa infarmacyi pravaabaroncaŭ, jon vyjšaŭ na svabodu ŭ kancy listapada 2025 hoda, całkam adbyŭšy ŭ kałonii ŭ Viciebsku trochhadovy termin.
Adamava aryštavali ŭ sakaviku 2023 hoda i asudzili za «finansavańnie dziejnaści ekstremisckaha farmavańnia» (art. 361‑2 Kryminalnaha kodeksa).
Juryj Adamaŭ — udzielnik biełaruskaj supolnaści za svabodnaje prahramnaje zabieśpiačeńnie, a taksama sustvaralnik navukova-papularnaha samvydata Pamylka. Jon vučyŭsia tearetyčnaj fizicy ŭ BDU, paśla atrymaŭ PhD va ŭniviersitecie Uoryk (Anhlija) u kirunku «fizika kandensavanych stanaŭ». Jon rabiŭ postdoctoral-daśledavańni ŭ ZŠA.