Čałaviek u invalidnym vazku ŭpieršyniu pabyvaŭ u kosmasie
Inžynierka z Hiermanii Michaeła Bientchaus, jakaja pakutuje na paralič noh, ździejśniła histaryčny palot u kosmas na rakiecie New Shepard kampanii Blue Origin. 20 śniežnia jana praviała 10 chvilin na vyšyni 104 kiłamietry nad Ziamloj, staŭšy pieršym čałaviekam u invalidnym vazku, jaki pierasiahnuŭ miažu atmaśfiery.
Michaeła atrymała traŭmu chrybta siem hadoŭ tamu paśla avaryi na hornym viełasipiedzie, ale nie admoviłasia ad mary ab kosmasie.
Realizavać hetuju zadumu joj dapamoh były top-inžynier SpaceX Hans Kionihsman. Paśla taho jak Michaeła napisała jamu ŭ internecie z pytańniem ab mahčymaści takoha palotu, Kionihsman nie tolki padtrymaŭ jaje, ale i častkova spansavaŭ misiju, adpraviŭšysia ŭ kosmas razam ź joj u jakaści pasažyra.
Dla palotu Blue Origin dapracavała naziemnaje abstalavańnie: ź luka kapsuły vysoŭvałasia śpiecyjalnaja łaŭka, dziakujučy jakoj Bientchaus zmahła samastojna pierasieści z kalaski ŭ kresła astranaŭta. Kampanija padkreśliła, što hetaja misija stała važnym krokam da taho, kab zrabić kosmas dastupnym dla kožnaha.
Novy kiraŭnik NASA Džared Ajziekman pavinšavaŭ Michaełu, adznačyŭšy, što jejny prykład natchniaje miljony ludziej va ŭsim śviecie.