Ciapier Umku možna paviesić na jalincy
Pres-słužba Alaksandra Łukašenki apublikavała videa z novym łukašenkaŭskim mierčam — heta cacka na jalinku ŭ vyhladzie špica.
Bieły pamieranski špic na mianušku Umka staŭ nieadjemnaj častkaj publičnaha vobraza Łukašenki apošnija hady. Sabaka pieratvaryŭsia ŭ jahonaha stałaha spadarožnika, prysutničajučy nie tolki na niefarmalnych špacyrach, ale i na mierapryjemstvach dziaržaŭnaha ŭzroŭniu.
Umka maje ŭnikalny status, jaki dazvalaje jamu znachodzicca ŭ miescach, zvyčajna zakrytych dla žyvioł. Łukašenka biare jaho ŭ miescy, kudy, zhodna z zakanadaŭstvam, žyviołam zabaroniena.
Umku bačyli na vajskovych palihonach padčas vučeńniaŭ, u chakiejnych raździavalniach paśla matčaŭ, jon byŭ na vybarčym učastku 2025 hoda, i heta stała, badaj, samym zapaminalnym pra tyja «vybary», bo Umka pamieciŭ učastak.