Minčuk znajšoŭ na vulicy 100‑dalaravuju kupiuru. Jana była falšyvaj
Žychar Minska sprabavaŭ abmianiać padroblenuju kupiuru na 100 dałaraŭ, jakuju znajšoŭ na vulicy. Jak paviedamili ŭ Dziaržaŭnym kamitecie sudovych ekśpiertyz, mužčyna pryjšoŭ u adździaleńnie adnaho z bankaŭ stalicy, kab abmianiać banknotu. Kasirka zasumniavałasia ŭ jaje sapraŭdnaści i paviedamiła ŭ milicyju.
Padroblenaja kupiura
Minčanin rastłumačyŭ siłavikam, što znajšoŭ hrošy na vulicy i trymaŭ ich u kašalku «na čorny dzień», nie padazrajučy, što kupiura moža być padrobkaj.
Kupiuru nakiravali na ekśpiertyzu ŭ Dziaržaŭny kamitet sudovych ekśpiertyz, dzie vyznačyli, što jana nie źjaŭlajecca sapraŭdnaj. Ekśpiert adznačyŭ adsutnaść rehłamientavanych elemientaŭ abarony, inšy sposab druku, inšuju kalarovuju hamu, adsutnaść sieryjnych numaroŭ, litarna-ličbavaha indeksa banka i tekstu na aviersie. Heta śviedčyć, što kupiura była vyrablenaja nie pradpryjemstvam aficyjnaha druku.
Sapraŭdnaja kupiura
Pavodle faktu zdareńnia Zavodskim rajonnym adździełam Śledčaha kamiteta Minska raspačataja kryminalnaja sprava.
Čytajcie taksama:
Niekatoryja bankamaty ŭ Biełarusi nie prymajuć 100‑rublovyja kupiury. U čym prablema?
U Hrodnie znajšli niezvyčajnyja 500 jeŭra, na ich palujuć kalekcyjaniery