U Homieli zapuścili servis prakatu karet FOTY
U Homieli pačaŭ pracavać novy servis prakatu «karet», paviedamiŭ telehram-kanał staršyni Homielskaha harvykankama Uładzimira Pryvałava. Nasamreč heta čatyrochmiesnyja viełamabili, jakija raźmiaścili na nabiarežnaj Soža. Prakacicca na ich možna tolki pa terytoryi parku.
Dla karystalnikaŭ dastupnyja piać takich viełamabilaŭ. Jany ruchajucca ź nievialikaj chutkaściu — nie bolš za 7 kiłamietraŭ na hadzinu, što zroblena dziela biaśpieki ŭ parkavaj zonie.
Uziać prystasavańnie ŭ arendu možna praz mabilnuju prahramu «Kareta», jakaja spampoŭvajecca ŭ App Store, Google Play abo pa QR-kodzie, raźmieščanym niepasredna na viełamabili. Prapanujucca try varyjanty apłaty: pa chvilinach, na paŭhadziny i na hadzinu.
Hetyja viełamabili pryvieźli ŭ Homiel ź Biełaviežskaj puščy.
Čytajcie taksama:
Z 24 śniežnia na Dziciačaj čyhuncy zapuskajuć «Navahodni ekspres»
Servis Kolobike pačaŭ raspradavać svaje rovary. Kampaniju čakaje rearhanizacyja ci likvidacyja
Piensijanier ź Minska skraŭ elektrarovar dla cyrkavoha numara