Łukašenka ahavaryŭsia pra toje, chto nasamreč pieramoh u 2020-m: Nidzie vy bolš nie pieramožacie
«My zrabili vysnovy z 2020 hoda».
Alaksandr Łukašenka na UNS, 18 śniežnia 2025 hoda. Fota: BiełTA
Vystupajučy 18 śniežnia na Usiebiełaruskim narodnym schodzie Alaksandr Łukašenka ŭ niejki momant staŭ apraŭdvacca za svaju pajezdku na Blizki Uschod i vypadkova pryznaŭ parazu na vybarach u 2020 hodzie.
«Nie paśpieŭ pajechać na Blizki Uschod — [pišuć] hrošy chavaje. Čytaju — hrošy chavaje. Ja dumaju: nu navošta vy biełarusaŭ za durniaŭ trymajecie?! Razumny čałaviek zadaść pytańnie: «A jak možna takija hrošy schavać?» Voś u nas Raman Hałoŭčanka — hałoŭny bankir. Jak možna siońnia schavać hrošy? Dy jakija hrošy!» — kazaŭ Łukašenka.
«Kruciać, vierciać… Jany [apanienty za miažoj] šukajuć, jak nasielnictva advieści ad hetaj prablemy, dzie jany prajhrali. I nie dumajcie.
Nidzie vy bolš nie pieramožacie. My zrabili vysnovy z 2020 hoda. I my vas budziem bambić, bambić u infarmacyjnaj śfiery, pakul Ejsmant [kiraŭnik BT] žyvy».