15 hadoŭ tamu adbyłasia druhaja Płošča — ludzi pratestavali suprać falsifikacyi vybaraŭ-2010
15 hadoŭ tamu, 19 śniežnia 2010 hoda, u Minsku adbylisia šmattysiačnyja pratesty niazhodnych z abvieščanymi vynikami prezidenckich vybaraŭ.
Pavodle aficyjnych vynikaŭ, Alaksandr Łukašenka nabraŭ 79,67%. Andreju Sańnikavu namalavali 2,43 pracenta i pastavili na druhoje miesca.
Dziasiatki tysiač ludziej prajšli praśpiektam ad Kastryčnickaj da płoščy Niezaležnaści. Pratest skončyŭsia niečuvanymi represijami — sotni ludziej byli źbityja śpiecnazam i zatrymanyja.
Byli zatrymanyja šaściora kandytataŭ u prezidenty — Dźmitryj Vus, Aleś Michalevič, Uładzimir Niaklajeŭ, Vital Rymašeŭski, Andrej Sańnikaŭ i Mikoła Statkievič, a taksama 630 čałaviek. Na padychodzie da Kastryčnickaj płoščy Uładzimir Niaklajeŭ byŭ žorstka źbity.
Paźniej Vus, Niaklajeŭ, Sańnikaŭ, Statkievič i 45 udzielnikaŭ akcyi byli asudžanyja pavodle kryminalnych artykułaŭ.
Pieršaja Płošča adbyłasia ŭ sakaviku 2006 hoda, kali ludzi pratestavali suprać vynikaŭ tahačasnych prezidenckich vybaraŭ i kali na Kastryčnickaj płoščy ŭźnik namiotavy haradok, jaki pratrymaŭsia piać dzion i byŭ žorstka razahnany.