Biełaruski dobraachvotnik praz sud dabiŭsia prava zvolnicca z ukrainskaha vojska
Biełaruski dobraachvotnik, jaki ź lutaha 2022 hoda słužyŭ va Uzbrojenych siłach Ukrainy, praz sud damohsia svajho zvalnieńnia, daviedałasia «Radyjo Svaboda».
Zdymak ilustracyjny. Fota z sacsietak
Prablema ŭźnikła z-za pamyłki pry afarmleńni dakumientaŭ: ź biełarusam zaklučyli kantrakt jak z hramadzianinam Ukrainy, a nie jak ź inšaziemcam. Z-za hetaha jon nie mieŭ mahčymaści zakonna zvolnicca sa słužby i padać dakumienty na ŭkrainskaje hramadzianstva.
U mai 2024 hoda i paŭtorna ŭ červieni 2025‑ha jon źviartaŭsia z rapartami ab zvalnieńni, ale kamandavańnie admaŭlała, spasyłajučysia na adsutnaść kantrakta inšaziemca. U vyniku mužčyna padaŭ u sud. Spačatku pazoŭ nie pryniali praź nibyta prapuščanyja terminy, adnak paśla abskardžańnia sud adnaviŭ prava na razhlad spravy.
Ciapier sud u Pałtavie pryznaŭ padpisańnie kantrakta niezakonnym i abaviazaŭ vajskovuju čaść zvolnić biełarusa. Choć pieršapačatkovuju čaść užo rasfarmiravali, vykanańniem rašeńnia musić zaniacca jaje pierajemnica. Rašeńnie suda kančatkovaje i abskardžańniu nie padlahaje.
Čytajcie taksama:
Ukraina vyrašyła da kanca hoda likvidavać internacyjanalnyja lehijony
Połk Kalinoŭskaha abviaściŭ kaladny zbor na padarunki dzieciam biełaruskich dobraachvotnikaŭ