Pa MKAD jechaŭ hruzavik, poŭny mandarynaŭ
Błohier «Mierzki Kakabaj» apublikavaŭ videa, źniataje na Minskaj kalcavoj darozie. Na im — hruzavik MAZ, jaki viazie poŭny kuzaŭ mandarynaŭ.
Možna było b padumać, što heta zvyčajnaja pieravozka sadaviny. Ale toje, što padychodzić dla bulby ci burakoŭ, zusim nie pasuje dla miakkich i dalikatnych mandarynaŭ. Cytrusavyja tak nie pieravoziać, piša blizko.by.
Lohka zaŭvažyć, što heta nie samazvał, a šasi, na jakim ustalavany standartny 8‑kubamietravy kantejnier dla vyvazu budaŭničaha śmiećcia. Taki kantejnier jašče nazyvajuć bunkieram. Adsiul naprošvajecca łahičnaja vysnova: hruzavik viazie hetyja mandaryny na śmietnik (palihon).