U Smalavičach navahodniuju jalinku pastavili prosta na prajeznaj častcy
U rajcentry Smalavičy Minskaj vobłaści, jak i ŭ inšych haradach krainy, pastavili navahodniuju jalinku. Pastavili jaje na płoščy ŭ davoli ludnym miescy, piša Blizko.by.
Dreva abharadzili nievialikaj aharodžaj, pierad im ustalavali znaki «cahlina» i «40», a taksama «abjezd sprava».
Videa, źniataje z aŭtamabila, vykłali ŭ TikTok — i paniesłasia.
Mnohija kamientatary ździvilisia abureńniu aŭtaraŭ rolika i pačali zhadvać histaryčnyja fakty:
- — Nakolki ja pamiataju, u hetym miescy jalinku na Novy hod stavili jašče ŭ časy SSSR.
- — A čaho śmiajacca: 40 hadoŭ žyvu ŭ horadzie, i ŭsie 40 hadoŭ jaje zaŭsiody staviać na hetaj płoščy.
- — My vielmi radyja i ŭdziačnyja, što jana znoŭ tut, a nie na voziery. Heta tradycyja hałoŭnaj płoščy horada Smalavičy.
- — Niekalki dziasiatkaŭ hadoŭ zapar jalinki na Novy hod stavili mienavita ŭ hetym miescy, što vielmi zručna dla staroha horada. Bo iści da jalinki sa staroha ŭ novy horad — daloka, i mnohija haradžanie z-za ŭzrostu pazbaŭlajucca śviata. Płošča vialikaja i ruchu aŭto nie pieraškadžaje.
- — Jaje ŭžo hadoŭ 40 tak staviać. Viadoma, heta hłupstva. U horadzie šmat miescaŭ dla jalinki, ale, vidać, pa zvyčcy staviać u adno i toje ž miesca.
Ale znajšlisia i tyja, chto ŭsio ž bačyć u jalincy na płoščy peŭnyja niazručnaści:
- — Vakoł jalinki pavinny biehać dzietki, a tut mašyny abjazdžajuć — niejki absurd.
- — Adna jalinka na ŭvieś horad — i taja pasiarod darohi.
- — Užo daŭno para vyznačyć dla jalinki asobnuju placoŭku ŭ centry płoščy. Nie zaŭsiody heta miesca było całkam zaasfaltavanaje — raniej tut było značna bolš zialonych zon dla adpačynku.
- — Ja tam na fury jechaŭ. Padumaŭ, što pryśniłasia: jalinka na darozie.