Minski płanietaryj zakryjecca na rekanstrukcyju. Pakazali, jak jon budzie vyhladać
Minski płanietaryj u parku Horkaha nieŭzabavie zakryjecca na rekanstrukcyju. Kiraŭnictva ŭstanovy zaklikaje haradžan i haściej stalicy paśpieć naviedać apošnija pakazy, bo ŭžo z pačatku 2026 hoda budynak zakryjuć na madernizacyju.
Fota: planetarium.by
Pavodle paviedamleńnia płanietaryja, zapłanavana poŭnaje techničnaje abnaŭleńnie: zamieniać inžyniernyja sietki, abnoviać fasad, interjery i abstalavańnie. Pra dakładnyja daty zakryćcia i adnaŭlenčyja pracy abiacajuć paviedamić paźniej.
Z apublikavanych rendaraŭ vidać, što budynak zachavaje rysy savieckaha kanstruktyvizmu — vyraznyja hieamietryčnyja linii, vialikija vokny i charakternuju nieonavuju šyldu.
Fota: planetarium.by
Rekanstrukcyja płanietaryja stanie častkaj ahulnaha abnaŭleńnia kompleksu budynkaŭ u parku Horkaha. Užo ciapier iduć raboty ŭ absiervatoryi: tam demantujuć staryja elemienty, ustaloŭvajuć novyja vitražy, prakładajuć elektrasietki i vykonvajuć azdableńnie. Asablivaj admietnaściu absiervatoryi stanie novy kupał z pavarotam na 360 hradusaŭ i indyvidualnaja padśvietka kałon.
Płanujecca, što ŭsie raboty zojmuć kala troch miesiacaŭ, tamu adkryćcio abnoŭlenaj absiervatoryi čakajecca viasnoj 2026 hoda.
Čytajcie taksama:
U Minsku pačałasia madernizacyja niezvyčajnaha abjekta: absiervatoryi Płanietaryja ŭ parku Horkaha
Pad płanietaryjem u Minsku sabrałasia vialikaja čarha, kab pabačyć «kryvavy» Miesiac FOTY
Najlepšy siarod padobnych. Dzie možna znajści kopii Minskaha płanietaryja