Kančatkova demantujuć taksafony
Demantaž aparataŭ pačniecca ŭžo 20 studzienia 2026 hoda. Sinija telefonnyja budki dziesiacihodździami słužyli dla mižharodnich i mižnarodnych zvankoŭ pa papiaredniaj apłacie.
Fota: sb.by
Telefonnyja aparaty firmovaha siniaha koleru raniej možna było sustreć na vulicach biełaruskich haradoŭ, ale z raźvićciom mabilnaj suviazi telefonnyja «budki» pačali źnikać.
Niahledziačy na heta, u Biełarusi zachavałasia bolš za 600 taksafonaŭ. Najbolšaja ich kolkaść — u Minsku.
Taksafonami jašče možna skarystacca na čyhunačnym vakzale, na niekatorych stancyjach mietro, u balnicach i navučalnych ustanovach, takich jak Minskaje suvoraŭskaje vučylišča. Niekatoryja ź ich pracujuć jak na zychodnyja, tak i na ŭvachodnyja zvanki, piša Mlyn.by.