Tusk acaniŭ šancy na prypynieńnie ahniu da Kaladaŭ
Premjer-ministr Polščy Donald Tusk zrabiŭ prahnoz adnosna spynieńnia ahniu va Ukrainie da Kaladaŭ 25 śniežnia, adznačyŭšy, što heta, chutčej za ŭsio, małavierahodna. Pra heta jon skazaŭ u intervju partału Onet.
Donald Tusk. Fota: Henry Nicholls, Pool Photo via AP
Adkazvajučy na pytańnie, ci bačyć jon niejkija pierśpiektyvy mahčymaha spynieńnia ahniu pamiž Ukrainaj i Rasijaj da śviataŭ, jon zajaviŭ, što «rasijanie, vierahodna, ciapier nie nadta zacikaŭlenyja ŭ mirnych pieramovach abo spynieńni ahniu».
«Tamu patrebny jašče bolšy cisk i demanstracyja taho, što my, jak Zachad, sapraŭdy nie dazvolim siabie padzialić. I tady hetyja pieramovy mahli b nabyć kankretnuju formu. Ale da Kaladaŭ heta mnie zdajecca vielmi małavierahodnym», — padkreśliŭ Tusk.