ZŠA na pieramovach u Bierlinie patrabujuć addać Rasii ŭvieś Danbas
Padčas pieramoŭ u Bierlinie pradstaŭniki ZŠA znoŭ zapatrabavali ad Ukrainy admovicca ad usiaho Danbasa. Pra heta paviedamiła The Guardian.
Uładzimir Zialenski. Fota: AP Photo/Markus Schreiber
Sa słoŭ krynicy vydańnia, śpiecpasłańniki ZŠA Styŭ Uitkaf i Džared Kušnier nastojvali, što Rasija choča atrymać hety rehijon, i Vašynhton patrabuje ad Kijeva adstupić. Adnak prezident Ukrainy Uładzimir Zialenski admoviŭsia vyvodzić ukrainskija vojski z toj častki Danbasa, jakuju Rasii tak i nie ŭdałosia zachapić.
Pieramovy doŭžylisia bolš za piać hadzin. Jak paviedamlaje vydańnie Bloomberg, Zialenski nieadnarazova adchilaŭ amierykanskija patrabavańni i nastojvaŭ na spynieńni ahniu pa ciapierašniaj linii frontu.
Pavodle acenak Amierykanskaha instytuta vyvučeńnia vajny (ISW), Rasija kantraluje amal usiu Łuhanskuju vobłaść i kala 80% Danieckaj vobłaści, jakija ŭvachodziać u skład Danbasa. Pry hetym bolšaść ukraincaŭ — amal 75% — vystupajuć suprać pieradačy Danbasa, što zaśviedčyła apytańnie Kijeŭskaha mižnarodnaha instytuta sacyjałohii.
Čytajcie taksama:
Ukraincaŭ spytali, jak jany adnosiacca da mirnaha płana, jaki budzie ŭklučać vyvad vojskaŭ z Danbasa
Zialenski raspavioŭ pra niespraviadlivyja patrabavańni ZŠA i Rasii
Uitkaf sustreniecca ź Zialenskim dla čarhovaha raŭndu pieramovaŭ pa vajnie va Ukrainie
Ušakoŭ dapuściŭ vyvad rasijskich vojskaŭ z Danbasa