Jak vyrastuć piensii ŭ Biełarusi ŭ 2026 hodzie
Ministerstva pracy i sacyjalnaj abarony Biełarusi apublikavała detali biudžetu Fondu sacyjalnaj abarony nasielnictva na 2026 hod, jaki byŭ padpisany 9 śniežnia. Pavodle danych Minpracy, u 2026 hodzie zapłanavany rost piensijnych vypłat.
Fota: LookByMedia
Siaredni pamier piensii pa ŭzroście dla niepracujučych piensijanieraŭ pavinien pavialičycca na 14,5%.
Čakajecca, što siaredniaja piensija składzie kala 1,1 tysiačy rubloŭ.
Ahulnyja vydatki biudžetu FSAN na 2026 hod zapłanavany ŭ sumie 38,5 młrd rubloŭ, što na 17,3% bolš u paraŭnańni z 2025 hodam. Asnoŭnaja častka hetych srodkaŭ — 31,1 młrd rubloŭ — budzie nakiravana na finansavańnie piensij.
Akramia taho, kala 7 młrd rubloŭ pojdzie na vypłatu dapamoh, ź jakich 3,7 młrd rubloŭ pryznačany na padtrymku siemjaŭ ź dziećmi.
Biudžet fondu ŭ cełym sfarmiravany z praficytam u 519 młn rubloŭ za košt srodkaŭ prafiesijnaha piensijnaha strachavańnia.