Hrodzienski dramteatr uznačaliła režysiorka sa Smalenska
U dramteatry źjaviłasia novaja režysiorka Alina Sarokina. Da hetaha žančyna pracavała ŭ Smalenskim dramteatry Hrybajedava.
Ciapier Sarokina rychtuje navahodniuju pastanoŭku «Ščaŭkunok» — premjera zapłanavana na siaredzinu śniežnia, piša «Hrodzienskaja praŭda». Hałoŭnaha režysiora ŭ dramteatr šukali ŭžo paŭtara hoda praz sajt vakansij, piša Hrodna.life
Zhodna z Linkdin Sarokinaj, u nulavych jana čatyry hady pracavała pamočnicaj deputata ŭ rasijskaj Dziarždumie. Paśla stała mieniedžarkaj pa rekłamie. U nastupnyja hady dziejnaść Sarokinaj była źviazana ŭžo z teatram.
Sarokina skončyła HITIS, a paśla ŭładkavałasia ŭ Smalenski teatr, dzie prapracavała 10 hadoŭ. Pa słovach Sarokinaj, pastanoŭki Hrodzienskaha dramteatra jana bačyła i raniej — śpiektakli joj «vielmi spadabalisia».
Uletku Sarokina pahutaryła z dyrektaram dramteatra Volhaj Bahdanovič — paśla razmovy «vyrašyła pasprabavać siabie» ŭ rabocie.
U Hrodnie Sarokina ŭžo niekalki miesiacaŭ — znajomicca z horadam. U svaich budučych pastanoŭkach choča nadać uvahu historyi, a taksama adlustravać jaje tak, kab jana była zrazumiełaja hledaču, «uličvajučy mientalitet i kulturnyja asablivaści».
Pieršaj pastanoŭkaj Sarokinaj u Hrodzienskim dramteatry stanie «Ščaŭkunok». Premjera zapłanavana na siońnia 13 śniežnia.