Minčanka vyrašyła pieraaformić piensiju i straciła 30 tysiač rubloŭ
78‑hadovaj žančynie patelefanavaŭ nibyta sacrabotnik, kab pieraaformić piensijnyja naličeńni, i vymaniŭ asabistyja danyja.
Ilustracyjnaje fota
Paralelna ŭ miesiendžary pastupiŭ zvanok ad iłžepravaachoŭnika, jaki zapatrabavaŭ spynić papiaredni zvanok, bo žančyna nibyta razmaŭlaje z machlarami. Mužčyna pacikaviŭsia, ci jość u kvatery hrošy, i, pahražajučy vobšukam i kryminalnaj adkaznaściu, pierakanaŭ piensijanierku ich zadekłaravać.
Žančyna spałochałasia i pieradała prybyłaj nibyta supracoŭnicy banka kala 30 000 rubloŭ u ekvivalencie.
Kurjeram akazałasia 65‑hadovaja minčanka, jakuju raniej ašukali machlary pad vyhladam rabotnikaŭ vodakanała. Pakolki hrošaj dla «dekłaravańnia» ŭ jaje nie akazałasia, žančynu ŭhavaryli zabirać najaŭnyja ŭ inšych piensijanieraŭ. Atrymanyja hrošy minčanka pieradała nieviadomamu.