Hałoŭnuju jalinku krainy zapalać 15 śniežnia
Hałoŭnaja jalinka krainy zazichacić zyrkimi ahniami 15 śniežnia na Kastryčnickaj płoščy a 17.00. Uračystaja cyrymonija zapalvańnia daść start śviatočnaj iluminacyi va ŭsim horadzie, paviedamili BiełTA ŭ Minharvykankamie.
Fota: BiełTA
«U hety dzień zazichaciać i rajonnyja navahodnija pryhažuni, a taksama budzie zapuščanaja praca ŭsioj śviatočnaj iluminacyi», — padkreślili ŭ Minharvykankamie.
Razam z hałoŭnaj jalinkaj zazichaciać i jalinki na centralnych rajonnych placoŭkach.
U Kastryčnickim rajonie — na vuł. Čkałava, 7, u Maskoŭskim — u parku imia Paŭłava, u Savieckim — na placoŭcy kala Biełdziaržfiłarmonii, u Pieršamajskim — na placoŭcy kala Nacyjanalnaj biblijateki i vuł. Rusijanava, 1, u Centralnym — na placoŭcy kala Minskaha dziaržaŭnaha pałaca dziaciej i moładzi, u Partyzanskim — u parku ekstremalnych vidaŭ sportu i parku imia Horkaha, u Frunzienskim — kala Ladovaha pałaca (vuł. Prytyckaha, 27) i HC «Maksimus» (vuł. Łabanka, 94), u Zavodskim — na placoŭcy kala Pałaca dziaciej i moładzi «Zołak» (pr. Partyzanski, 146) i ŭ Leninskim — na placoŭcy kala HU «Minskkancert».
15 śniežnia a 17.00 taksama adbudziecca start štohadovaj dabračynnaj akcyi «Našy dzieci».