Vyciek bienzinu staŭ pryčynaj zaharańnia aŭtamabila, u vyniku čaho zahinuła 18‑hadovaja dziaŭčyna
Sudovyja ekśpierty ŭstanavili pryčynu ŭzharańnia aŭtamabila padčas DTZ.
Fota: Dziaržaŭny kamitet sudovych ekśpiertyz
Kala vioski Zajamnaje 26 žniŭnia a 23:00 adbyłasia darožnaja avaryja. 27‑hadovy žychar Baranavič, znachodziačysia ŭ stanie ałkaholnaha apjanieńnia za styrnom BMW, sutyknuŭsia sa spadarožnym aŭtamabilem Nissan.
U vyniku avaryi 18‑hadovaja pasažyrka Nissan atrymała ciažkija cialesnyja paškodžańni, a kiroŭca — akramia cialesnych paškodžańniaŭ jašče i šmatlikija apioki cieła. Abodva paciarpiełyja byli špitalizavanyja. Adnak nieŭzabavie dziaŭčyna ad atrymanych traŭm pamierła ŭ lakarni.
Paśla sutyknieńnia Nissan zahareŭsia. Zhodna z vysnovaj pažarna-techničnaj ekśpiertyzy, praviedzienaj upraŭleńniem Dziaržaŭnaha kamiteta sudovych ekśpiertyz Minskaj vobłaści, asiarodak pažaru znachodziŭsia ŭ zadniaj častcy aŭtamabila.
Niepasrednaj pryčynaj uzharańnia stała ŭzharańnie paroŭ bienzinu, što vyciakaŭ z paškodžanaha ŭ vyniku DTZ paliŭnaha baka. Akramia taho, u Nissan adbyłasia razhiermietyzacyja paliŭnaj i tarmaznoj sistem, što taksama paspryjała ŭzharańniu.