Hadavaja inflacyja viarnułasia na ŭzrovień 7 pracentaŭ
U listapadzie hadavaja inflacyja ŭ Biełarusi vyrasła da 7%. Miesiacam raniej jana ŭpieršyniu z krasavika spuściłasia nižej za hetuju adznaku, paviedamlaje Biełstat.
U lipieni hadavaja inflacyja dasiahnuła pikavych u hetym hodzie 7,4%, ale zatym u žniŭni źniziłasia da 7,2%, u vieraśni — da 7,1%, a ŭ kastryčniku — i ŭvohule da 6,9%, piša Office Life.
U listapadzie ŭ paraŭnańni z kastryčnikam ceny vyraśli na 0,4%, a da śniežnia 2024‑ha — na 6,5%.
U listapadzie hadavaja inflacyja charčovych tavarach dasiahnuła 9,9%. Miesiacam raniej hety pakazčyk byŭ 9,8%. Za listapad ceny vyraśli na 0,8%.
Inflacyja niecharčovych tavaraŭ pavialičyłasia z 2,5 da 2,6%. Za miesiac ceny dadali 0,02%.
Što da pasłuh, tut pakazčyk hadavoj inflacyi taksama vyras — z 7,6 da 7,7%. Za miesiac — plus 0,1%.
Pavodle źviestak Nacbanka, bazavaja hadavaja inflacyja dalej źnižajecca. U vieraśni jana była 7,5%, u kastryčniku źmienšyłasia da 7,1%, a za listapad zafiksavali 7%.
U toj ža čas siezonnyja ceny na harodninu i sadavinu pakazali značny rost. Tak, u vieraśni było 7,6% u paraŭnańni z anałahičnym pieryjadam minułaha hoda, u kastryčniku — užo 10,1%, a ŭ listapadzie — i ŭvohule 12,7%.