U Biełarusi abmiežavali dostup da sajtaŭ viadomych kryptabiržaŭ
U Biełarusi 10 śniežnia pierastali pracavać sajty niekalkich viadomych kryptabiržaŭ — Bitget, ByBit i OKX. Ich damieny trapili ŭ śpis abmiežavanaha dostupu, jaki viadzie Dziaržaŭnaja inśpiekcyja na nahladzie za elektrasuviaźziu «BiełDIE».
Tytulnaja staronka kryptabiržy. Skrynšot «Lusterka»
Rašeńnie pra błakiroŭku hetych resursaŭ pryniało Ministerstva infarmacyi. Krychu raniej, 5 śniežnia, u toj ža samy śpis dadali sajt bota Smart Mining — pa patrabavańni Śledčaha kamiteta.
Karystalniki ByBit ź Biełarusi ŭ hety dzień pačali skardzicca, što sajt nie adkryvajecca, zaŭvažyła «Lusterka». Asabliva heta tyčyłasia klijentaŭ «Biełtelekama», jakija zamiest staronki biržy bačać paviedamleńnie pra toje, što dostup abmiežavany pavodle rašeńnia kampietentnaha dziaržaŭnaha orhana. Častka ž ludziej kaža, što ŭžo znajšła sposaby, jak abyści błakiroŭku.
ByBit i OKX zasnavanyja vychadcami z Kitaja, ale ich ofisy znachodziacca ŭ roznych krainach.
Čytajcie taksama:
Ideołahi raskazvajuć narodu žachi pra internet i pieraścierahajuć ad vykarystańnia ChatGPT
Bitkojn apuściŭsia nižej za 90 tysiač dalaraŭ
Košt bitkojna ŭpieršyniu za čatyry miesiacy ŭpaŭ nižej za 100 tysiač dalaraŭ
Zatrymali machlara-kryptavalutčyka, jaki padmanuŭ 50 čałaviek