Viačorka: Nijakaha rašeńnia pra pierajezd Cichanoŭskaj niama
Daradca Cichanoŭskaj prakamientavaŭ infarmacyju pra achovu i mahčymy pierajezd.
Fota: Riccardo Savi / Getty Images for Concordia Annual Summit
Siońnia «Naša Niva» paviedamiła, što Śviatłanie Cichanoŭskaj u Litvie nie viarnuli achovu, jana i častka supracoŭnikaŭ Ofisa źbirajucca pierajazdžać u Polšču. Krynicy «Našaj Nivy» kažuć, što rašeńnie ŭžo pryniataje.
U Ofisie hetu infarmacyju nie paćviardžajuć.
«My praciahvajem pracavać, jak raniej. Cichanoŭskaja zastajecca pad litoŭskaj achovaj, jak i raniej. Nijakaha rašeńnia pra pierajezd niama. Na suviazi ź Litvoj pa ŭsich pytańniach biaśpieki, kali buduć niejkija źmieny — paviedamim», — prakamientavaŭ «Našaj Nivie» daradca Cichanoŭskaj Franak Viačorka.
U Ofisie pakul čakajuć ad Litvy infarmacyju pra novuju sistemu achovy. Kančatkovaje rašeńnie budzie prymacca paśla hetaha. Pakul Ofis pracuje, jak było zapłanavana.
Nahadajem, pra toje, što Śviatłanie Cichanoŭskaj i jaje Ofisu źnizili ŭzrovień achovy ŭ Litvie, stała viadoma ŭ kastryčniku. U suviazi z hetym daviałosia časova spynić pracu ofisa. Kančatkovaje rašeńnie ab uzroŭni achovy dla lidarki biełaruskich demsił było nieviadomaje.