Dzicia kala himnazii prosta vybiehła pierad aŭtamabilem, i takija situacyi zdarajucca rehularna
Čytač dasłaŭ videa: na im dzicia rezka vybiahaje pierad aŭtamabilem (prykmiet piešachodnaha pierachodu na zapisie nie nazirajecca), jaki tolki što raźviarnuŭsia i pačaŭ nabirać chutkaść, piša Onliner.by.
Miarkujučy pa ŭsim, kiroŭca nie adrazu zaŭvažyŭ školnika praz aŭtamabili, što spynilisia na sustrečnaj pałasie.
Aŭtar rolika śćviardžaje: incydent nie adzinkavy, treba źmianiać arhanizacyju ruchu na ŭčastku darohi.
— Kožnuju ranicu ŭ rajonie vulic Antonaŭskaj i Nahornaj adbyvajecca niejkaja vakchanalija. Z 07:50 da 08:20 tam proćma mašyn, na jakich baćki ŭvieś čas pryvoziać svaich dziaciej u himnaziju, «sutykajucca» na zahačanaj ad pierahruzki dvarovoj terytoryi. Vielmi nie chapaje arhanizacyi ŭ hetym miescy, bo padobnyja situacyi (jak siońnia na hetym videa) adbyvajucca štodnia, — kamientuje čytač.