Kolki kaštuje navahodni bankiet u sanatoryjach?
Kolki kaštuje navahodni bankiet u sanatoryjach Biełarusi, žurnalistam raskazaŭ dyrektar Respublikanskaha centra azdaraŭleńnia i sanatorna-kurortnaha lačeńnia nasielnictva Hienadź Bałbatoŭski, piša BiełTA.
«Što datyčycca koštu bankieta, my vyvučyli pytańnie. Sioleta siaredni košt składzie kala 310 rubloŭ. Kali havaryć pra dynamiku, to letaś na pres-kanfierencyi ja nazyvaŭ ličbu 275 rubloŭ», — skazaŭ Hienadź Bałbatoŭski.
Dyrektar respublikanskaha centra padkreśliŭ, što navahodni bankiet — heta prava vybaru kožnaha adpačyvalnika i «absalutna dobraachvotnaja sprava».
Što da pasłuh pa praviadzieńni navahodnich karparatyvaŭ dla kampanij i pradpryjemstvaŭ, sanatoryi zajmajucca hetym u mienšaj stupieni, rastłumačyŭ Hienadź Bałbatoŭski. U hety pieryjad, pavodle jaho słoŭ, i tak davoli vysokaja zapaŭnialnaść.
Što tyčycca volnych miescaŭ na navahodnija i kaladnyja śviaty, to ŭ sanatoryjach na hety momant ich praktyčna niama. Adzinkavyja miescy mohuć źjavicca tolki ŭ vypadku admoŭ. Hienadź Bałbatoŭski ŭdakładniŭ, što ŭ Biełarusi 97 sanatoryjaŭ na 28 tys. miescaŭ i 42 azdaraŭlenčyja arhanizacyi na 9 tys. miescaŭ.