Fiestyvalu «Soncastajańnie» ŭ Pružanach u nastupnym hodzie nie budzie
Arhanizatary biełaruskaha rok-fiestyvalu «Soncastajańnie» paviedamili pra admienu mierapryjemstva ŭ 2026 hodzie. Kampaniju nie ŭnieśli ŭ adpaviedny rejestr.
Pryčynaj admieny značnaha mierapryjemstva stała toje, što kampanija nie ŭniesiena ŭ Rejestr arhanizataraŭ kulturna-vidoviščnych mierapryjemstvaŭ. Jak rastłumačyli arhanizatary, heta aznačaje, što jany nie majuć prava ažyćciaŭlać prakat zamiežnych vykanaŭcaŭ, u tym liku z Rasii.
«U siłu skazanaha rok-fiestyval «Soncastajańnie» nie płanujecca da praviadzieńnia ŭ 2026 hodzie», — havorycca ŭ paviedamleńni kampanii.
Arhanizatary padziakavali ŭsim za padtrymku ciaham troch hadoŭ i vykazali ŭpeŭnienaść, što viernucca da praviadzieńnia fiestyvalu ŭ budučyni.