KDB pryznaŭ «ekstremisckim farmavańniem» firmu, u jakoj pracavaŭ źnikły Anatol Kotaŭ
Havorka pra Terra Group Event, jakaja arhanizoŭvała mierapryjemstvy dla Wargaming, Softswiss i Andersen. Mienavita ŭ hetaj kampanii pracavaŭ Kotaŭ pierad źniknieńniem.
21 žniŭnia Kotaŭ vylecieŭ z Varšavy ŭ turecki horad Trabzon, a zatym nibyta pakinuŭ Turcyju marskim šlacham na pryvatnaj jachcie ŭ bok Sočy. Dakładnych paćvierdžanych dadzienych pra jahony maršrut abo miescaznachodžańnie niama.
Anatol Kotaŭ raniej pracavaŭ u dziaržaŭnych strukturach Biełarusi, u tym liku ŭ Ministerstvie zamiežnych spravaŭ i Nacyjanalnym alimpijskim kamitecie. Paśla vybaraŭ 2020 hodu jon emihravaŭ u Polšču i byŭ źviazany ź biełaruskim apazicyjnym rucham.
Kiraŭnikom kampanii Terra Group Event źjaŭlajecca 39‑hadovy były palitviazień-babarykaniec Vital Kryŭko, jaki zhadvajecca ŭ paviedamleńni pra pryznańnie kampanii «ekstremisckim farmavańniem». Druhaja asoba, zhadanaja ŭ suviazi z hetym — 42‑hadovy Andrej Jaraševič, zatrymany ŭ sakaviku 2025 hoda. Jaho abvinavačvajuć pavodle art. 356 (zdrada dziaržavie) i art. 361-2 (finansavańnie ekstremisckaj dziejnaści) Kryminalnaha kodeksa.